ШАҲРИТУЗ. Дар ташкилот ибтидоии ҳизбии “Шуъбаи маориф”-и ноҳияи Шаҳритуз вобаста ба самтҳои афзалиятноки фаъолияти ҲХДТ вохӯрӣ баргузор гардид.
Дар он раиси Кумитаи иҷроияи ҲХДТ дар ноҳия Шаропов Ҳомидҷон иштирок намуда, атрофи самтҳои афзалиятноки фаъолияти ҲХДТ, Даҳсолаи байналмилалии амал “Об барои рушди устувор, солҳои 2018-2018”, эълон гардидани соли 2018 ҳамчун Соли рушди сайёҳӣ ва хунарҳои мардумӣ, сафарҳои кории Пешвои миллат ба ВМКБ ва Ҷумҳурии Ӯзбекистон, дӯстии байни ду давлати бо ҳам дӯсту бародар, ки аксарияти ноҳияи Шаҳритузро мардуми ӯзбекзабон ташкил медиҳад, андешаронӣ кард.
Ҳамзамон мавсуф дар идомаи суҳбат оид ба фаъолияти ташкилоти ибтидоии ҳизбӣ тибқи барномаи ҲХДТ, бурдани корҳои тарғиботиву ташвиқотӣ дар байни аҳолӣ ҳарф зада, сарварони муассисаҳои таълимӣ ва боғчаҳои бачагона вазифадор карда шуданд, ки нисбати кори ҳизбӣ масъулиятноки нишон дода, нисбати бартараф кардани камбудию норасогиҳои ҷойдошта супоришҳои қатъӣ гирифтанд.
