Ҷ.БАЛХӢ. Бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Ҷалолиддини Балхӣ Алиев Зафар дар ташкилоти ибтидоии ҳизбии «Ҳумо»-и ноҳия хониши сиёсӣ вобаста ба самтҳои афзалиятноки фаъолияти ҳизб доир гардид.
Ҳадаф аз баргузории хониши сиёсӣ фаъол гардонидани аҳолӣ дар самти пешгирӣ аз бегонапарастию майл ба фарҳанги бегона бо мақсади ҳифзи ҳуввияту асолати миллӣ ва ба мардум фаҳмонидани моҳияти қонунҳои миллӣ ва дар ин замина дуруст сафарбар кардани корҳои хайру сахо ба хотири рушди иқтисодиву иҷтимоӣ ва маънавию фарҳангии ҷомеа, тарғиби тарзи ҳаёти солим, пешгирӣ аз бемориҳои сирояткунанда, рушди касбу ҳунарҳои мардумӣ ба хотири паст кардани сатҳи бекорӣ ва баланд бардоштани сатҳи зиндагии мардум, огоҳонидани онҳо аз хавфу хатарҳои ҳизбу ташкилотҳои дар кишвар мамнуъ ва дигар масъалаҳои мубрами рӯз суханронӣ намуд.
