БОХТАР. Дар ташкилоти ибтидоии ҳизбии “Нурафкан” тибқи ҷадвали баргузории хониши сиёсӣ вобаста ба самтҳои афзалиятноки фаъолияти ҲХДТ вохӯрӣ баргузор гардида, дар ин вохӯрӣ мудири шуъбаи таблиғот, иттилоот ва матбуот Ализода Одил иштирок намуд.
Зимнан Ализода Одил ба сухан баромада, оид ба самтҳои афзалиятноки фаъолияти ҳизбӣ ҳарф зада, қайд намуд, ки Ҳизби Халқии Демократии Тоҷикистон ҳизбест, ки барои мардуми Тоҷикистон мебошад. Ғояи аслии ин ҳизб низ он аст, ки тамоми шаҳрвандон барои таҳкими давлатдории миллӣ кӯшиш намоянд ва бо қувваи пешбарандаи ҳизби созандаву бунёдкор муттаҳид шаванд.
Сипас, дар идома самтҳои афзалиятнокӣ фаъолияти ҳизбӣ, аз ҷумла баланд бардоштани сатҳи огоҳии мардум дар мавриди хатари терроризму экстремизм бо мақсади пешгирии шаҳрвандон, алалхусус ҷавонон аз ҳизбу ҳаракатҳои дар Тоҷикистони мамнуъи ифротиро баррасӣ намуданд.
