БАЛҶУВОН. Дар деҳаи Хуррамдеҳи ҷамоати деҳоти ба номи Сафар Амиршоеви ноҳияи Балҷувон аз тарафи кормандони масъули Кумитаи иҷроияи ҲХДТ дар ноҳия вохӯрӣ оид ба самтҳои афзалиятноки фаъолияти ҲХДТ ва татбиқи Аксияи тарғиботӣ-амалии ҳизбӣ таҳти унвони “Якҷоя ҳал мекунем” баргузор гардид.
Дар он мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Балҷувон Ғуломов Асомуддин оид ба мавзӯъҳои болозикр ва оид ба равобити халқҳои тоҷику ӯзбек, мустаҳкам намудани риштаҳои дӯстиву хешутабори, баланд бардоштани маърифати хуқуқӣ ва сиёсиву фарҳангии мардум, алалхусус ҷавонону наврасон ва дигар мавзӯъҳои мубрами рӯз андешаронӣ карданд.
