ҲАМАДОНӢ. Тибқи нақша-чорабиниҳо барои нимсолаи дуюми соли 2018 бо иштироки раиси Кумитаи иҷроияи ҲХДТ дар ноҳияи Мир Сайид Алии Ҳамадонӣ Давлаталӣ Ғаффорзода бо сокинони деҳаи Сайроби ҷамоати деҳоти Панҷоб бахшида ба Соли рушди сайёҳӣ ва ҳунарҳои мардумӣ чорабинии фаҳангӣ доир карда шуд.
Дар чорабинии фаҳангӣ вакили Маҷлиси намояндагони Маҷлиси Олии Ҷумҳурии Тоҷикистон Одинаев Ҳаёт иштирок дошта, атрофи сиёсати дохиливу хориҷии кишвар, нуктаҳои асосии Паёми Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, эълон гардидани соли 2018 дар кишвар Соли рушди сайёҳӣ ва ҳунарҳои мардумӣ, оғози Даҳсолаи байналмиллалии амал «Об барои рушди устувор, солҳои 2018-2028» суханронӣ кард.
Баъдан Давлаталӣ Ғаффорзода дар бораи огоҳонидани сокинони кишвар аз паёмадҳои хатаровари фаъолияти ҳизбу ҳаракатҳои дар Ҷумҳурии Тоҷикистон мамнуъ ва фаъол гардонидани аҳолӣ дар мубориза бо онҳо бо ҷамъомадагон суҳбат намуда, дар қисмати фарҳангӣ аз намоишгоҳи ҳунарҳои мардумии чирадастони деҳаи Сайроб аз наздик шинос шуданд.
Дар охири чорабинӣ санъаткорони Филармонияи мардумии ба номи Одина Ҳошимови ноҳия хотири ҳозиринро бо рақсу сурадҳои дилошубу дилангез шод гардониданд.
