ВОСЕЪ.Тибқи нақша-чорабиниҳои тасдиқнамудаи Кумитаи иҷроияи ҲХДТ дар ноҳияи Восеъ дар ҷамоати деҳоти ба номи М.Вайсови ноҳия дар якҷоягӣ бо намояндагии ТҶҶ «Созандагони Ватан» ва намояндагони мақомоти иҷроияи ҳокимияти давлатии ноҳия хониши сиёсӣ доир гардид.
Зимни мулоқот муовини раиси Кумитаи иҷроияи ҲХДТ дар ноҳияи Восеъ Шаҳноза Раҷабова вобаста ба самтҳои афзалиятноки фаъолияти ҲХДТ, аз қабили аз байн бурдани таассуби динӣ ва хурофотпарастӣ бо мақсади солим нигоҳ доштани маънавиёти ҷомеа, фаъол гардонидани аҳолӣ дар самти пешгирӣ аз бегонапарастию майл ба фарҳанги бегона, муайян кардани вазифаҳои шаҳрвандон дар самти мубориза бар зидди коррупсия суханронӣ намуд.
Ҳамзамон, дар вохӯрӣ зикр карда шуд, ки Ваҳдати миллӣ ва суботу оромӣ дар ҳар давру замон аз масъалаҳои умда ва омили таҳкими Истиқлолияти давлатӣ боқӣ мемонад.
