ЁВОН. Тибқи ҷадвали баргузории суҳбату вохӯриҳо бо иштироки намояндагони Кумитаи иҷроияи ҲХДТ дар ноҳияи Ёвон дар деҳаи Обшорони ҷамоати деҳоти ба номи Гулсара Юсуфова бо иштироки занону модарон, ҷавонон ва фаъолони деҳаи мазкур вохӯрӣ баргузор гардид.
Дар вохӯрӣ аз ҷониби мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Солиҳов Маҳмадрасул дар самти эълон гардидани соли 2018 ҳамчун Соли рушди сайёҳӣ ва ҳунарҳои мардумӣ, Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, тарғиби арзишҳои миллӣ, аз байн бурдани фарҳанги ғайр, риояи Қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд», даъвати навбатии ҷавонон ба сафи Қувваҳои мусаллаҳи Ҷумҳурии Тоҷикистон, пешгирии бемориҳои сироятӣ, аз муоинаи тиббӣ гузаронидани навхонадорон, ободию хуррамии маҳал, ҳамкории оила бо мактаб андешаронӣ карда шуд.
Занону бонувон ҳунарҳои дастии хешро ба маърази тамошо гузошта, ба Кумитаи иҷроияи ҲХДТ дар ноҳия барои иқдоми навбатиашон дар Соли рушди сайёҳӣ ва ҳунарҳои мардумӣ ва ҳавасманду дастгирии занону бонувони деҳот изҳори миннатдорӣ баён намуданд.
