ЁВОН. Бо мақсади тақвияти Соли рушди сайёҳӣ ва ҳунарҳои мардумӣ ва Соли тақвияти робита бо маҳал ва дар асоси ҷадвали баргузории суҳбату вохӯриҳо дар деҳаи Сарқамиши ҷамоати деҳоти ба номи Гулсара Юсуфова чорабинии сиёсию фарҳангӣ роҳандозӣ карда шуд.
Дар чорабинӣ муовини раиси Кумитаи иҷроияи ноҳиявӣ Абдуллоева Саёҳат ва мудири шуъбаи таблиғот, иттилоот ва матбуот Маҳмадрасул Солиҳов суханронӣ намуда, дар қисми сиёсии чорабинӣ оид ба дастовардҳои 27 соли соҳибистиқлолии кишвар, самтҳои афзалиятноки фаъолияти ҲХДТ, вазъи имрӯзаи дохиливу хориҷии кишвар, пешгирии шомилшавии ҷавонон ба ҳизбу ҳаракатҳои ифротӣ, аз даст надодани зиракиву сиёсӣ, тарбияи дурусти фарзандон, пешгирии бемориҳои сироятӣ, сафарбар кардани ҷавонони синни даъвати ба хизмати Ватан-Модар, пеш аз хонадоршавии навҷавонон аз муоинаи тиббӣ гузаронидани онҳо ва тақвият бахшидани ҳунарҳои мардумӣ дар ростои Соли рушди сайёҳӣ ва ҳунарҳои мардумӣ андешаронӣ намуданд.
Дар чорабинӣ занону бонувон ва кишоварзони деҳаи мазкур маҳсули дастони хешро ба маърази тамошо гузоштанд.
