МӮЪМИНОБОД. Дар асоси ҷадвали тасдиқнамудаи Кумитаи иҷроияи ҲХДТ дар ноҳия бо кормандони Идораи бойтории ноҳияи Мӯъминобод хониши сиёсӣ доир гардид.
Дар хониши сиёсӣ мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Рамазон Ҳайдаров ва раиси ташкилоти ибтидоии «Идораи Бойторӣ» иштирок ва суханронӣ намуданд.
Нахуст Рамазон Ҳайдаров атрофи шарҳу тавзеҳи нуктаҳои асосии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, самтҳои афзалиятноки фаъолияти ҲХДТ, эълон гардидани соли 2018 дар кишвар ҳамчун Соли рушди сайёҳӣ ва ҳунарҳои мардумӣ, тарғиби либоси миллӣ, пешгирии шомилшавии занону ҷавонон ба ҳизбу ҳаракатҳои ифротӣ ва риояи Дастурамали либосҳои тавсиявӣ барои занону духтарон дар Ҷумҳурии Тоҷикистон, пешгирии омилҳои номатлуб, фарҳанги оиладорӣ, таҷрибаи рӯзгордорӣ, донишу малакаҳои онҳо дар ташкили оиладорӣ, пешгирии зӯроварии хонаводагӣ, ёрии амалӣ ва ҳуқуқӣ расонидан ба оилаҳои носолим андешаронӣ намуд.
Инчунин мавсуф моҳияти Аксияи тарғиботӣ-амалии ҳизбӣ таҳти унвони «Якҷоя ҳал мекунем!»-ро ба иштирокдорон фаҳмонида, онҳоро барои дар амал татбиқ намудани ҳадафҳои созандаи ҲХДТ даъват кард.
