ВАХШ. Тибқи ҷадвали баргузории соатҳои сиёсӣ дар ташкилоту муассисаҳо ва вохӯриву мулоқот дар деҳаву маҳаллаҳои ноҳияи Вахш бо иштироки мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Вахш Нуралиева Мадина дар ташкилоти ибтидоии ҳизбии «Маркази тиббии Сино»-и ноҳия хониши сиёсӣ атрофи самтҳои афзалиятноки фаъолияти ҲХДТ дар мавзӯъи «Баланд бардоштани маърифат ва масъулияти шаҳрвандон дар самти пешгирӣ аз паҳншавии бемориҳои сироятӣ» баргузор гардид.
Нуралиева Мадина ба сухан баромада, ибрози ақида намуд, ки бемориҳои сироятӣ аз се омили асосӣ таркиб ёфтаанд, манбаи сироятёбӣ (одам ё ҳайвони сироятёфта), ноқили ангезанда, одамони ба сироят ҳассос. Ба пайдоиши бемориҳои сироятӣ гуруснагӣ, ғизои номунтазаму якхела, камвитаминӣ, хастагӣ, гармии аз ҳад зиёд, таъсири сармо, гелминтозҳо, зичии аҳолии ва ғайра мусоидат менамоянд.