Ш.ШОҲИН. Бо мазмуни Тоҷикистон-Ватани обҳои мусаффо кормандони Кумитаи иҷроияи ҲХДТ дар ноҳияи Шамсиддин Шоҳин дар деҳаи Раҳмонобод бо сокинон, ҷавонон ва фаъолони ҳизб атрофи самтҳои афзалиятноки фаъолияти суҳбат доир намуданд.
Вохӯриро мутахассиси шуъбаи ташкилӣ ва баҳисобгири Кумитаи иҷроияи ҲХДТ дар ноҳияи Шамсиддини Шоҳин Ҳошимов Абдураҳим кушода, доир ба самтҳои афзалиятноки фаъолияти ҳизбӣ, Соли тақвияти робита бо маҳал, озмунҳои ҳизбӣ таҳти унвонҳои “Беҳтарин доиркунандаи чорабиниҳо дар сатҳи маҳал”, “Беҳтарин муаррификунандаи мавзеъҳои сайёҳӣ”, ки ноҳияи Шамсиддин Шоҳин ноҳияи кӯҳистон буда, дорои мавзеъҳои сайёҳӣ ва ҷойҳои таърихӣ мебошад, суханронӣ намуда, сокинонро барои иштирок дар озмунҳои ҳизбӣ даъват кард.
Баъдан мутахассиси шуъбаи таблиғот, иттилоот ва матбуоти Кумитаи иҷроия Қурбонова Малоҳат дар бораи баргузории чорабиниҳо бахшида ба Соли рушди сайёҳӣ ва ҳунарҳои мардумӣ ва оғози Даҳсолаи байналмилалии амал «Об барои рушди устувор, 2018-2028» андешаронӣ намуд.
