ВОСЕЪ. Тибқи нақша-чорабиниҳои Кумитаи иҷроияи ҲХДТ дар ноҳияи Восеъ дар Боғчаи №6-и ҷамоати деҳоти ба номи Абӯабдуллоҳи Рӯдакӣ бо иштироки мутахассиси шуъбаи ташкилию баҳисобгирии Кумитаи иҷроияи ҲХДТ дар ноҳияи Восеъ Сафархони Муҳаббат ва кормандони боғчаи мазкур атрофи самтҳои афзалиятноки фаъолияти ҳизбӣ хониши сиёсӣ баргузор гардид.
Зимнан Сафархони Муҳаббат бо кормандон оид ба тарбияи дурусти кӯдакон дар боғча суҳбат ороста, қайд намуд, ки тарбия ва ба камол расондани насли ояндасоз дар ҳама давру замон аз ташкили дурусти оила ва ташаккули маърифати оиладорӣ сарчашма гирифтааст. Зеро оила чӣ аз нигоҳи қонун ва чӣ аз назари маърифати исломӣ воҳиди асосии иҷтимоӣ буда, ташкили оила, тарбияи фарзандон аз бузургтарин масъулият дар ҷомеа маҳсуб меёбад. Агар оила мустаҳкаму пойдор ва аз ҷиҳати маънавию ахлоқӣ солим бошад, ҷамъият ҳам устувор мегардад. Мутафаккири Шарқ Муҳаммад Fаззолӣ дар “Насиҳат-ул-мулук” овардааст: “Падару модар ба мисли сарчашмаи обе мебошанд, ки агар оби он мусаффо бошад, поёноб низ мусаффо хоҳад шуд”. Баъд аз оила таълиму тарбияи кӯдакон яке аз муҳимтарин вазифаи омӯзгорон ба шумор меравад. Аввалан омӯзгор бояд аз донишу маърифати кофӣ бархурдор бошад ва ҷиҳати равоншиносии кӯдаконро ба назар гирифта, бо ӯ муомилаи хуш намояд.
