Ҷ.БАЛХӢ. Дар маҳаллаи Гагарини ҷамоати деҳоти Халевард ноҳияи Ҷалолиддини Балхӣ намоиши ҳунарҳои мардумӣ ва хониши сиёсӣ бо сокинони маҳаллла баргузор гардид. Зимни баргузории вохӯрӣ бо мардум вобаста ба самтҳои афзалиятноки фаъолияти ҲХДТ, аз қабили аз байн бурдани таассуби динӣ ва хурофотпарастӣ бо ҳадафи солим нигоҳ доштани маънавиёти ҷомеа, фаъол гардонидани аҳолӣ дар самти пешгирӣ аз бегонапарастию майл ба фарҳангӣ бегона бо мақсади ҳифзи ҳувияту асолати миллӣ, ташаккули фарҳанги техникӣ ба хотири истифодаи дуруст аз технологияи муосир ва шабакаҳои иҷтимоӣ бо мақсади пешгирӣ аз хатарҳои марбут ба истифодаи нодурусти он, муайян кардани вазифаҳои шаҳрвандон дар самти мубориза бар зидди коррупсия бо роҳи ташаккули мафкураи зиддикорупсионӣ, фаъол гардонидани аҳолӣ дар самти мубориза бо нашъамандиву нашъаҷалобӣ ҳамчун зуҳуроти хатарзо ба амнияти миллӣ ва ҳаёти осоиштаи шаҳрвандон аз тарафи масъулин суханронӣ карда шуд.
Зимнан масъулин оид ба масъалаҳои номбурда андешаронӣ карда, афзуданд, ки Тоҷикистон дар ҳама давру замон дар осоишу оромиш ва бо ҳамсояҳо дар ҳусни ҳамҷавории неку мусолиматомез зиндагӣ карда, ҳамеша аз сулҳу субот ва оромиву осоиш пуштибонӣ намудааст, ки ин асл яке аз маромномаҳои асосии сиёсати хирандмандона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии муҳтарам Эмомалӣ Раҳмон мебошад.
Ҳамчунин масъулин қайд доштанд, ки Ҳизби Халқии Демократии Тоҷикистон аз мардуми огоҳу бедордил, адибону зиёиён, фаъолону собиқадорон ва пирони рӯзгордида даъвт ба амал меорад, ки ҳамагуна амалҳои иғвогаронаи миллатро маҳкум намуда, дар атрофи Пешвои муаззами миллат муттаҳид бошанд, зеро иттиҳод рамзи ягонагӣ ва пирӯзии миллат аст.
