КУШОНИЁН. Бо мақсади амалӣ намудани Аксияи ҳизбӣ таҳти унвони “Мактаб-даргоҳи маърифат”, дастгирию кӯмак ба ятимону оилаҳои ниёзманд дар соли нави хониш ва дар арафаи ҷашни Истиқлолияти давлатии Ҷумҳурии Тоҷикистон Кумитаи иҷроияи ҲХДТ дар ноҳияи Кушониён тасмим гирифтааст, ки ба ятимону оилаҳои ниёзманди ҷомеа кӯмаки яквақтаи худро расонид.
Бо ташаббуси вакилони Маҷлиси вакилони халқии ноҳияи Кушониён ба Касирова Рухсорамоҳ, ки дар танҳои 5 нафар фарзондоне, ки бо амри тақдир аз падар маҳрум мондаанд, 5 ҷуфт пойафзол тақдим намуданд.
Масъулин зимни супоридани туҳфаҳо аз суханрониҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқтибос оварда, иброз доштанд, ки “Солҳои охир дар кишварамон дасти кӯмак дароз кардан ба ятимону маъюбон ва ниёзмандону камбизоатҳо аз ҷониби соҳибкорону ашхоси ҳимматбаланд торафт ба анъанаи нек табдил ёфта истодааст”. Мо низ сиёсати хирадмандонаи Пешвои миллатро ҷонибдорӣ карда, кӯшиш менамоем, ки дар арафаи иду ҷашнҳо ба қадри имкон ба ниёзмандон дасти ёрӣ дароз менамоем.
Чунин иқдоми хайрхоҳона дар арафаи соли хониш ба фарзандони оилаҳои ниёзманди ҷомеа, ятимон бо ҷалби фаъолон, аъзо ва ҷонибдорони ҲХДТ дар ҳудуди ноҳияи Кушониён идома доранд.
