ҚУБОДИЁН. Дар асоси нақша-чорабиниҳои тасдиқгардидаи Кумитаи иҷроияи ҲХДТ дар ноҳияи Қубодиён бо мақсади эҳё намудани ҳунарҳои мардумӣ намоиши ҳунарҳои мардумӣ, аз қабили сӯзанидӯзӣ, кашидадӯзӣ, қуроқдӯзӣ намоиши дӯхти либосҳои занона бо тарҳи замонавӣ бо нигоҳ доштани нақшу нигорҳои ниёгон, кӯрпачаву кӯрпадӯзӣ ва маҳсулоти кишоварзӣ аз ҷониби сокинони деҳаи Лайлакуяи ноҳия намоиш дода шуда, дар ин рӯз ҳамчунин барномаи рангини фарҳангӣ пешкаши сокинони деҳот гардонида шуд.
Дар рафти вохӯрӣ мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Қубодиён Абдуллоев Ваҳобиддин иброз дошт, ки бо эълон гардидани соли 2018 ҳамчун Соли рушди сайёҳи ва ҳунарҳои мардумӣ барои занону духтарон шароити хуб фароҳам оварда, шуд, ки занону бонувони хонашин метавонанд бо омӯзиш ва рушд додани ҳунарҳо шароити иқтисодии худ ва атрофиёнашонро бо ташкил намудани ҷойҳои нави корӣ беҳбудӣ бахшанд.
Инчунин ба ҷамъомадагон фаҳмонида дода шуд, ки барои давом додани таҳсили духтарон дар муассисаҳои олии кишвар мусоидат намуда, дар омӯзиши касбу ҳунарҳои миллӣ барои фарзандони худ шароити мусоид фароҳам оваранд.
