Н. ХУСРАВ. Тибқи нақша-чорабиниҳои тасдиқгардидаи Кумитаи иҷроияи ҲХДТ дар ноҳияи Носири Хусрав бахшида ба 27- солагии Истиқлолияти давлатии Ҷумҳурии Тоҷикистон ва дар партави Аксияи тарғиботӣ-амалии ҳизбӣ таҳти унвони «Якҷоя ҳал мекунем!» шанбегии умуминоҳиявии ҳизбӣ ҷиҳати поксозии муҳити зист баргузор карда шуд.
Дар шанбегии умумӣ раисони ташкилотҳои ибтидоӣ, аъзо ва ҷонибдорони ҲХДТ, аъзои намояндагии ТҶҶ “Созандагони Ватан” иштироки фаъолона дошта, барои тоза намудани роҳ, ҷӯю обравҳои роҳҳоро аз партову алавҳои бегона тоза намуда, дар палҳуҳои роҳи мошингарди марказии ноҳия ниҳолҳои ороишии ҳамешасабз шинониданд.
Фаъолон, аъзо ва ҷонибдорони ҲХДТ, аъзои намояндагии ТҶҶ “Созандагони Ватан” дар ноҳияи Носири Хусрав Аксияи ҳизбии номбурдаро якдилона дастгирӣ намуда, дар ташкилу баргузории корҳои ободониву созандагӣ баҳри пешрафту шукуфоии Тоҷикистони азиз саҳми арзандаи хешро гузошта истодаанд.
