ҶАЙҲУН. Бо ташаббуси Кумитаи иҷроияи ҲХДТ дар ноҳияи Ҷайҳун дар маҳаллаи ба номи Шамсидин Шоҳини ҷамоати шаҳраки Дӯстии ноҳия чорабинии сиёсӣ-фарҳангӣ оид ба самтҳои афзалиятноки фаъолияти ҲХДТ ва Соли рушди сайёҳӣ ва ҳунарҳои мардумӣ бо иштироки муовини раиси Кумитаи иҷроияи ҲХДТ дар ноҳияи Ҷайҳун Насим Сабурзода, мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Ҷайҳун Фарҳод Обидов бо сокинон доир гардид.
Вобастаба Соли рушди сайёҳӣ ва ҳунарҳои мардумӣ кормандони Кумитаи иҷроияи ҲХДТ дар ноҳияи Ҷайҳун муфассал баромад намуда, иброз доштанд, ки бо эҳёи ҳунарҳои мардуми миллати тоҷик метавонад, тамаддуну фарҳанги миллиро дар арсаи ҷаҳонӣ муаррифӣ созад.
Пас аз суханрониҳои судманд масъулин аз намоиши ҳунарҳои мардумӣ, ки ҳунармандони завқманди маҳалла ба намоиш гузошта буданд, дидан намуда, ба ҳунару маҳорати волои ҳунармандони чирадасту хушсалиқа баҳои баланд доданд.
