ФАРХОР. Дар робита ҷиҳати сазовор истиқбол гирифтани ҷашни 27-умин солгарди Истиқлолияти давлатии Ҷумҳурии Тоҷикистон дар ноҳияи Фархор бо ҷалби аъзо ва ҷонибдорони ҲХДТ, аъзои намояндагии ТҶҶ “Созандагони Ватан” шанбегии умуминоҳиявӣ доир гардид.
Дар шанбегӣ кормандони муассисаю ташкилотҳо ва сокинони ноҳия фаъолона иштирок намуда, дар тоза кардани паҳлуҳои роҳҳои мошингарди ноҳия ва роҳу роҳравҳоро аз алафу партовҳо тозаю озода намуда, бехи дарахтонро нарм ва рангу бор карданд.
Ҳамчунин, дар шанбегии мазкур кормандони Кумитаи иҷроияи ҲХДТ дар ноҳияи Фархор дар якҷоягӣ бо ихтиёриёни намояндагии ТҶҶ «Созандагони Ватан»дар ободонии маҳал иштироки фаъолона намуда, саҳми арзандаи хешро гузоштанд.
Сокинони ноҳияи Фархор ният доранд, ҷашни пурифтихори миллат 27- солагии Истиқлолияти давлатии Ҷумҳурии Тоҷикистонро бо дастовардҳои назрраси меҳнатӣ сазовор истиқбол намоянд.
