ДӮСТӢ. Дар деҳаи Моҳи нави ҷамоати шаҳраки 20-солагии Истиқлолияти давлатии Ҷумҳурии Тоҷикистони ноҳияи Дӯстӣ кормандони масъули Кумитаи иҷроияи ҲХДТ бо як гурӯҳ занону духтарони деҳот суҳбату вохӯрӣ баргузор намуданд.
Зимни вохӯрӣ аз оилаи Ҷонбутаева Нигора, ки маъюби гурӯҳи 1-ум мебошад, ва ба ривоҷ додани ҳунарҳои мардумӣ машғул гардидааст, дидан карданд.
Ҳадаф аз баргузории чорабинии мазкур баланд бардоштани сатҳи маърифатнокӣ ва касбомӯзӣ, пешниҳод намудани ҳунарҳои миллӣ инчунин тарғиб намудани озмуни ҳизбӣ таҳти унвони «Армуғони хатлонӣ» ба шумор мерафт.
Дар рафти баргузории чорабинӣ муовини раиси Кумитаи иҷроияи ҲХДТ дар ноҳияи Дӯстӣ Қурбонов Абдулҳафиз бо фаъолзанони деҳа суҳбат ороста, занону бонувони ҳунарманди деҳаро барои боз ҳам сайқал додани касбу ҳунарҳои мардумӣ ва ба ҷавонон омӯзонидани касбу ҳунарҳои неки ниёгон даъват намуд.
