БОХТАР. Дар ташкилоти ибтидоии ҳизбии «Театр»-и вилоятӣ тибқи ҷадвали баргузории хониши сиёсӣ вобаста ба самтҳои афзалиятноки фаъолияти ҲХДТ вохӯрӣ баргузор гардида, дар он намояндагони Кумитаи иҷроияи ҲХДТ дар шаҳри Бохтар, раиси Кумитаи иҷроияи ҲХДТ дар шаҳр Наҷидуллоев Тавакал ва мудири шуъбаи таблиғот, иттилоот ва матбуот Ализода Одил иштирок намуданд.
Нахуст Наҷидуллоев Тавакал ба сухан баромада, оид ба баланд бардоштани сатҳи огоҳии мардум дар мавриди хатари терроризму экстремизм бо мақсади пешгирӣ аз ҷалби шаҳрвандон ба ташкилотҳои экстремистиву террористӣ ёдоварӣ карда, қайд намуд, ки боиси сарфарозӣ ва хушбахтӣ аст, ки дар Тоҷикистони соҳибистиқлоли мо имрӯз парчам парафшон буда, мардуми шарафманди мо зиндагии орому осоишта ва фаъолияти созанда доранд. Имрӯз раванди ҷаҳонишавӣ бо суръати хосса рушд меёбад, дар зимни ин раванд дар ҷаҳони муосир гурӯҳҳо ва ҷунбишҳои зиёди ифротиву иртитҷоӣ ба вуҷуд омадаанд. Ин гурӯҳҳо ҷиҳати ноил шудан ба мақсад ва нияти нопоки худ миёни мардум тавассути роҳу воситаҳои мухталиф ва амалҳои таҳрибкорона ва зидди инсонии хеш амал намуда аз худ дарак медиҳанд.
Ҳодисаи дар ҳудуди ҷамоати Оқсуи ноҳияи Данғара бавуҷудомад далолати аз нияти нопоки худ, даст кашидаанди як қатор роҳбарон ҳизби террористии наҳзат ва хоҷагони хориҷи инҳо мебошад. Ин амал моро бори дигар ҳушдор дод, ки экстремизму терроризм, ҷавҳари ғайриинсониашро ҳаргиз дигар намекунад. Ин амали нангин шаҳодати он аст, ки раванди тарбияи фарзанд дар замони имрӯза қотеият ва ҷиддиятро тақозо намуда, мутаасифона, на ҳамаи падару модарон ин хусусиятро ба инобат мегиранд.
Дар охир таклиф гардид, ки ҳунармандон оқибатҳои нагину фоҷиабори амалҳои номатлубро бештар дар саҳнаҳои театр намоиш диҳанд, то ҷомеа аз ин барои зиндагии ояндаи худ панде гирад.
