ВАХШ. Дирӯз дар маҳаллаи Якатут 3- и ҷамоати деҳоти Тоҷикободи ноҳия бо иштироки мудири шуъбаи кор бо занони Кумитаи иҷроияи ҲХДТ дар ноҳияи Вахш Нуралиева Мадина ва раиси Кумитаи ибтидоии ҲХДТ дар ҷамоати деҳоти Тоҷикобод Раҳимов Аслиддин вобаста ба самтҳои афзалиятноки фаъолияти ҲХДТ ва нишон додани вокуниши фаврӣ ба амалҳои террористони манфури наҳзатӣ хониши сиёсӣ баргузор гардид.
Сараввал Нуралиева Мадина мақсади асосии баргузории чорабиниро ба иштирокчиён оид ба маҳкум намудани амалҳои террористӣ шарҳ дода, зимни суханрониаш қайд кард, ки мо бояд занону бонувон ва насли наврасу ҷавон ба ин масъалаи мубрами рӯз аҳмияти ҷиддӣ зоҳир намоем.
Сипас,иштирокчиёни чорабинӣ низ атрофи масъалаҳои болозикр фикру мулоҳизаҳояшонро баён намуда, қотеона амалҳои ифротии чандтан ҷавонони ноогоҳе, ки амали террористиро бо супориши хоҷагони хориҷиашон хусусан ҲНИ роҳандозӣ карданд, ки зарба ба ҷони сайёҳон заданд, сахт маҳкум намуданд.
Дар охир Раҳимов Аслиддин қайд намуд, ки ҷавонону наврасон бояд дар руҳияи баланди ватандӯстӣ, худшиносии миллӣ, арҷ гузоштан ба арзишҳои миллӣ тарбия ёбанд.
