ДӮСТӢ. Ба хотири паст намудани шиддати бекорӣ ва ҳарчи бештар ҷалб кардани сокинон бо шуғл ва корҳои хонагию ҳунарҳои мардумӣ, ки ин ҳама аз самтҳои афзалиятноки фаъолияти ҲХДТ мебошанд, дар назди ташкилоти ибтидоии ҳизбии “Нури Вахш” курси бозмӯзии дӯзандагӣ бо ҷалби занону бонувони хонашин аз тарафи соҳибкорзани фаъоли ҳизбӣ Шарофат Худойназарова ифтитоҳ ёфт.
Дар курси мазкур тарзи дӯхти куртаҳои замонавӣ ва дар онҳо эҳёи нақшҳои миллӣ, аз қабили зардӯзӣ, сӯзанӣ, қуроқдӯзӣ, попурӣ ва ғайраҳоро меомӯзонанд.
Масъулин ин иқдомро барои беҳбудии кори соҳа муҳим арзёби намуданд.
