А.ҶОМӢ. Бо мақсади омӯзиши фаъолият ва расонидани кӯмаки методӣ ба шахсони муттасаддии ташкилоти ибтидоии ҳизбии «Истиқлол»-и назди МБТИ-и ноҳияи Абдураҳмони Ҷомӣ дар ин ташкилот хониши сиёсӣ гузаронида шуд.
Тибқи супориши роҳбарияти Кумитаи иҷроияи ҲХДТ дар ноҳияи Абдураҳмони Ҷомӣ мудири шуъбаи кор бо занон ва ҷавонони Кумитаи иҷроияи ноҳиявии ҳизб Саёҳат Самадзода ташриф бурда, бо рафти ҳуҷҷатгузорӣ ва дар маҷмӯъ фаъолияти ташкилоти ибтидоии ҳизбӣ шинос шуд. Мавсуф барои бартараф кардани камбудиҳои ҷойдоштаи корӣ дар асоси Оинномаю Барнома ва Низомномаю дастурамалҳои ҲХДТ ҷиҳати самаранок ба роҳ мондани фаъолият маслиҳатҳои муфид пешниҳод намуд.
