ФАРХОР. Мулоқоти навбатии кормандони масъули Кумитаи иҷроияи ҲХДТ дар ноҳияи Фархор бо ҳизбиёни ташкилоти ибтидоии ҳизбии «Некрӯз» баргузор гардид.
Дар мулоқот мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Фархор Далер Раҳмонов ва директори ҶСШК «Некрӯз», вакили Маҷлиси вакилони халқи ноҳия Бобоҷон Ҳасанов дар назди ҳозирин баромад намуданд.
Мавзӯи асосии суҳбат асосан фарогири масоили хештаншиносӣ, ҳушёрии сиёсӣ, риояи ҳатмии Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон» буд.
