ХУРОСОН. Дар доираи ҷадвали баргузории вохӯриву мулоқот дар корхона, муассиса, ташкилот ва деҳаю маҳаллаҳои ноҳияи Хуросон бо иштироки муовини раиси-мудири шуъбаи ташкилӣ ва баҳисобгирии Кумитаи иҷроияи ҲХДТ дар ноҳияи Хуросон Азизова Сабоҳат дар ташкилоти ибтидоии ҳизбии «Файзи Хуросон» бо аъзову кормандони он хониши сиёсӣ вобаста ба самтҳои афзалиятноки фаъолияти ҲХДТ баргузор гардид.
Дар вохӯри Азизова Сабоҳат атрофи самтҳои афзалиятноки фаъолияти ҲХДТ, ҳадафҳои барномавии ҳизб, нисбати сиёсати созандаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон, эълон гардидани соли 2018 ҳамчун Соли рушди сайёҳӣ ва хунарҳои мардумӣ ва роҳандозии Аксияи тарғиботии ҳизбӣ таҳти унвони “Якҷоя ҳал мекунем!” суханронӣ намуда, иштирокдоронро барои дар амал татбиқ намудани аксияи мазкур дар анҷоми корҳои хайрсу сахо, ободонии маҳал, сохтмони иншоотҳои маишӣ раҳнамоӣ намуд.
