ШАҲРИТУЗ. Бо мақсади иҷрои ҷадвали баргузории воҳӯрию мулоқот дар корҳона, муасссиса, ташкилот ва деҳаю маҳалаҳои ноҳияҳои Шаҳритуз дар нимсолаи дуюми соли 2018 дар деҳаи Янгиободи ҷамоати деҳоти Паҳтаободи ноҳия аз ҷониби кормандони масъули Кумитаи иҷроияи ҲҲДТ дар ноҳияи Шаҳритуз атрофи самтҳои афзалиятноки фаъолияти ҳизбӣ ва чорабинии фарҳангӣ бахшида ба Соли рушди сайёҳӣ ва ҳунарҳои мардумӣ бо иштироки мудири шуъбаи кор бо занон ва ҷавонони Кумитаи иҷроияи ҲҲДТ дар ноҳияи Шаҳритуз Абдуллоева Шоира вохӯрӣ баргузор гардид. Мавсуф дар назди ҷамъомадагон масъалаҳои номбурда мавриди баррасӣ қарор дода, аз онҳо барои саҳм гузоштан дар корҳои ободониву созандагӣ, паст кардани сатҳи камбизоатӣ ва бекорӣ даъват ба амал овард.
