НОРАК. Гурӯҳи таблиғотии ҳизбии Кумитаи иҷроияи ҲХДТ дар шаҳри Норак тибқи ҷадвали баргузории вохӯриву мулоқотҳо дар асоси дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон, ки аз Паёми навбатияшон ба Маҷлиси Олии Ҷумҳурии Тоҷикистон бармеояд, бо мақсади тарғибу ташвиқи самтҳои афзалиятноки фаъолияти ҲХДТ дар соли ҷорӣ бо ҷалби истиқоматкунандагони деҳаи Кулони боло вохӯрӣ доир карданд.
Дар вохӯрӣ гурӯҳи таблиғотӣ ва аъзои бахши намояндагии ТҶҶ “Созандагони Ватан ” оид ба дастуру супоришҳо дар самти тарбия намудани ҷавонон дар руҳияи ватандӯстӣ, ҳимояи марзу бум, пешгирии бемориҳои сироятӣ, ободонӣ ва шукуфоии диёр, зинда гардонидани ҳунарҳои мардумӣ, беҳтару шоиста гардонидани зиндагии хеш вазифаи ҳар як шаҳрванд дониста, андешаронӣ намуданд.
