ДАНҒАРА. Тибқи нақша-чорабиниҳои Кумитаи иҷроияи ҲХДТ дар ноҳияи Данғара дар деҳаи Навободи ҷамоати деҳоти Сангтуда бахшида ба эълон гардидани соли 2018 ҳамчун Соли рушди сайёҳӣ ва ҳунарҳои мардумӣ, намоиши ҳунарҳои мардумӣ ташкил карда шуд.
Дар ин чорабинӣ раиси Кумитаи иҷроияи ҲХДТ дар ноҳия Каримов Пирмаҳмад иштирок намуда, иброз дошт, ки эълон гардидани соли 2018 ҳамчун Соли рушди сайёҳӣ ва ҳунарҳои мардумӣ нишона аз сиёсати хирадмандона ва дурбинонаи Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ҷиҳати муаррифии захираҳои сайёҳӣ, дастовардҳо, рушди инфрасохтори соҳа ва таблиғи ҳунаромӯзиву ҳунармандӣ ба хотири рушди босуръати иқтисодиву иҷтимоии мамлакат мебошад.
