БОХТАР: Ваҳдати миллӣ яке аз бузургтарин дастовардҳои мардуми Тоҷикистон ба ҳисоб меравад. Маҳз ба шарофати ваҳдат, сулҳу субот ва ҳамдигарфаҳмӣ кишвари азизи мо ба роҳи рушду пешрафт қадам гузошт.
Ваҳдат барои ҳар як миллат неъмати бебаҳост, зеро он заминаи зиндагии осоишта, пешрафти иқтисодӣ, иҷтимоӣ ва фарҳангии ҷомеаро фароҳам меорад.
Пас аз ба даст овардани Истиқлолияти давлатӣ Тоҷикистон рӯзҳои душворро аз сар гузаронд. Хушбахтона, бо хиради азалии мардум ва талошҳои фарзандони содиқи Ватан сулҳу оромӣ дар кишвар барқарор гардид. Имрӯз мардуми тоҷик дар фазои дӯстӣ, ҳамдигарфаҳмӣ ва ҳамбастагӣ зиндагӣ намуда, барои ободии сарзамини худ саҳм мегузоранд.
Ваҳдат маънои ягонагӣ, иттиҳод ва ҳамдигарэҳтиромиро дорад.
Дар ҷомеаи мутамаддин ҳар як шаҳрванд бояд барои таҳкими ваҳдат кӯшиш намояд, зеро танҳо дар фазои сулҳу субот метавон ба дастовардҳои бузург ноил гардид. Ҷавонон ҳамчун неруи пешбарандаи ҷомеа вазифадоранд, ки арзишҳои миллӣ, фарҳанг ва анъанаҳои неки халқро ҳифз намуда, дар таҳкими ваҳдати миллӣ саҳми арзандаи худро гузоранд.
Имрӯз Тоҷикистон бо шарофати сулҳу ваҳдат ба яке аз кишварҳои рӯ ба рушд табдил ёфтааст. Сохтмони роҳҳо, муассисаҳои таълимӣ, беморхонаҳо, корхонаҳои истеҳсолӣ ва дигар иншооти муҳим самараи сулҳу субот ва ваҳдати миллӣ мебошанд.
Дар чунин шароит шаҳрвандон метавонанд озодона кору фаъолият намуда, барои ояндаи дурахшони фарзандони худ замина гузоранд.
Ваҳдат неъмати муқаддас ва сарвати бебаҳои миллат аст. Ҳифзу таҳкими он вазифаи муқаддаси ҳар як фарди ватандӯст мебошад.
Бигзор дар Тоҷикистони азизи мо ҳамеша сулҳу субот, дӯстӣ ва ваҳдати миллӣ пойдор бошад, зеро ваҳдат воқеан осоиши диёр ва кафили зиндагии хушу саодатмандонаи мардум аст.
Ахмедова Мунира - Аъзои фаъол аз ташкилоти ибтидоии ҳизбии "Роҳнамо" - и муассисаи таҳсилоти миёнаи умумии №15 шаҳри Бохтар
