ЊАМАДОНЇ: Мумфаршкунии роҳҳо яке аз корҳои муҳими созандагию бунёдкорӣ ба ҳисоб рафта, барои беҳтар намудани шароити ҳаракати нақлиёт ва таъмини роҳати сокинон мусоидат менамояд.
Бо ҳамин мақсад дар деҳаи Навободи Ҷамоати деҳоти Хоҷамуъмини ноҳияи Мир Сайид Алии Ҳамадонӣ роҳи аҳамияти маҳалли дошта бо дастгирии сокинон ва соҳибкорони деҳа аз нав таъмир карда шуд
Роҳҳои ҳамвору мумфарш ба баланд гардидани сатҳи хизматрасонӣ, кам шудани чангу ғубор ва таъмини амнияти ҳаракат мусоидат мекунанд.
Имрӯзҳо дар доираи корҳои ободонӣ ва рушди маҳалҳо мумфаршкунии роҳҳои дохили деҳаҳо ва кӯчаҳо бо маром идома дошта, сокинон аз чунин иқдомҳои созанда изҳори қаноатмандӣ менамоянд.
