ЁВОН:Бо мақсади иҷрои нақша чорабиниҳои Кумитаи иҷроияи ҲХДТ дар ноҳияи Ёвон бо иштироки масъулини Кумитаи иҷроияи ҲХДТ дар ноҳия Ёвон, масъулини шуъбаи фарҳанги ноҳия дар Ҷамоати шаҳраки Ёвон маҳаллаи Кароматулло Қурбонов корҳои фаҳмондадиҳӣ бо усули “хона ба хона” баргузор гардиданд.
Зимни вохӯрӣ бо сокинон, масоили муҳим ба монанди тарбияи дурусти фарзанд, арҷгузорӣ ба арзишҳои миллӣ, тарғиби тарзи ҳаёти солим, таҳкими худшиносиву худогоҳии миллӣ, инчунин роҳҳои пешгирии ҳолатҳои носозгор, бахусус миёни ҷавонон ва занону духтарон мавриди баррасӣ қарор гирифтанд.
Иқдоми мазкур бо ҳадафи тақвияти робитаи мустақим бо аҳолӣ, баланд бардоштани маърифати оиладорӣ, пешгирии зӯроварӣ дар оила ва ҳалли масъалаҳои иҷтимоӣ роҳандозӣ шуда, минбаъд низ идома хоҳад ёфт.
