БАЛҶУВОН. Оид ба шарҳу тавзеҳ ва татбиқи Паёми Президенти Ҷумҳурии Тоҷикистон дар ҷамоати деҳоти ба номи Сайф Раҳим бо иштироки Мирзоев Сайфуддин мудири бахши омори ноҳияи Балҷувон, Қодирзода Абдуғаффор раиси ҷамоати деҳоти мазкур, Холов Беҳрӯз директори МНДСЭ ва Файзуллозода Давлатёр директори КДФ “БМҒМ” дар ноҳияи Балҷувон вохӯрии судманд баргузор карда шуд.
Роҳбари гурӯҳи корӣ Мирзоев Сайфуддин зимни баромадаш қайд намуд, ки баҳри дар амал татбиқ намудани Паёми Президенти Ҷумҳурии Тоҷикистон, ба Маҷлиси Олии Ҷумҳурии Тоҷикистон моро зарур аст, ки корҳои фаҳмонидадиҳиро ҳамарӯза миёни аҳолӣ ба роҳ монда, ҷомеаро аз хатарҳои муосири геополитикӣ бо назардошти вазъи ҷаҳони имрӯза, бархурди манфиатҳои давлатҳои абарқудрат, огоҳ созем.
