Ҷ.БАЛХӢ. Дар ташкилоти ибтидоии ҳизбии “Маркази мубориза бо бемориҳои СПИД” бо иштироки кормандони масъули Кумитаи иҷроияи ҲХДТ дар ноҳияи Ҷалолиддини Балхӣ вохӯрӣ оид ба шарҳу тавзеҳи Паёми навбатии Президенти мамлакат ба Маҷлиси Олии кишвар баргузор гардид. Зимни вохӯрӣ масъули ҳизбӣ Алиев Зафар оид ба нуктаҳои Паём, аз ҷумла соҳаи тандурустӣ, кишоварзӣ, рушди босуръати соҳаи саноат, беҳсозии соҳаи маориф, дар руҳияи ватандустӣ тарбия намудани наврасон суханронӣ намуда, иброз дошт, ки дар Паёми навбатии Президенти мамлакат муҳтарам Эмомалӣ Раҳмон соҳаи тиб як соҳаи бениҳоят муҳиму афзалиятнок арзёбӣ гардида, Пешвои миллат таъкид сохтанд, ки барои ҳалли ду масъалаи муҳимтарини соҳаи тандурустӣ – тайёр кардани кадрҳои баландихтисос, аз ҷумла мутахассисони бемориҳои сироятӣ, вирусшиносҳо ва рушди саноати дорусозӣ бояд тадбирҳои ҷиддӣ ва қатъӣ андешида шавад.
