БАЛҶУВОН. Бо мақсади расонидани муҳтавои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба саҳми сокинон ҳамарӯза аз тарафи гурӯҳи кории назди Кумитаи иҷроияи Ҳизби Халқии Демократии Тоҷикистон дар ноҳияи Балҷувон суҳбату вохӯриҳои судманд гузаронида шуда истодааст.
Вохӯрии навбатӣ бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Балҷувон Маърифат Қурбонова дар Маркази молиявӣ маблағгузории хурд “Имон интернешнл” дар ноҳияи Балҷувон миёни кормандон гузаронида шуда, сиёсати дохилӣ ва хориҷии кишвар ва дигар самтҳои хоҷагии халқ мавриди баррасӣ қарор дода шуд.
