ЁВОН. Бо мақсади шарҳу тавзеҳи Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар дар ҳудуди ноҳия вохӯриҳои гурӯҳҳои корӣ бо маром идома дорад.
Чунин як вохӯрии судманд бо иштироки вакили Маҷлиси намояндагони Маҷлиси Олии Ҷумҳурии Тоҷикистон Азимзода Толибхон дар ҷамоати деҳоти Чоргул бо интихобкунандагон доир карда шуд.
Дар рафти баргузории вохӯрӣ фаъолони ҳудуди ҷамоат, омӯзгорон, занон ва ҷавонон иштироки фаъолона намуданд. Дар вохӯрӣ аз ҷониби гурӯҳи корӣ роҷеъ ба муҳтавои Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон андешаронӣ карда шуда, таъкид гардид, дар Паём тамоми паҳлуҳои ҳаёти имрӯзаи мардуми кишвар баррасӣ гардидааст ва моро зарур аст дар табиқи масъалаҳои муҳим масъулиятнок бошем.
