ДАНҒАРА. Бо иштироки намояндаи Кумитаи иҷроияи ҲХДТ дар вилояти Хатлон Акрамзода Умеда дар бинои маъмурии Кумитаи иҷроияи ҲХДТ дар ноҳияи Данғара бо аъзо ва кормандони Кумитаи иҷроияи ҲХДТ дар ноҳияи Данғара оид ба шарҳу тавзеҳи Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вохӯрӣ баргузор гардид.
Зимни вохӯрӣ Акрамзода Умеда қайд намуд, ки мо бо дарки муҳтаво, мақсаду маром ва ҳадафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сиёсати муваффақона, ташаббусҳои доимӣ ва оқилонаи Роҳбари давлат ва Ҳукумати Ҷумҳурии Тоҷикстон ҷонибдорӣ намуда, барои татбиқи босифати онҳо, рушди нерӯи зеҳнӣ ва такмили истеъдоди азалии худ, аз тамоми имкониятҳои мавҷуда истифода намуда, дар рушду тараққиёти Ватани азизамон, инчунин бобати муаррифии миллати соҳибилму соҳибтамаддуни тоҷик, саҳмгузорӣ хоҳем кард.
