КӮЛОБ. Дирӯз бо иштироки вакили Маҷлиси намояндагони Маҷлиси Олии Ҷумҳурии Тоҷикистон Ашурзода Ғиёсиддин ва муовини раиси Кумитаи иҷроияи ҲХДТ дар шаҳри Кӯлоб Саймуминзода Фирӯз оид ба шарҳу тавзеҳ додани нуқтаҳои Паёми солонаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бо сокинони маҳаллаҳои Навкант, 20-ум ва Раҳимзода вохӯрӣ баргузор карда шуд.
Дар рафти мулоқот аз ҷониби ҳозирин вобаста ба Паёми Сарвари давлат суханронӣ гардида, қайд гардид, ки Паёми Пешвои миллат дастурамалест дар роҳи анҷом додани корҳои неку созанда.
Зимни интиҳои мулоқот аз тарафи сокинон ба вакил саволҳо пешниҳод шуда, посухҳои мушаххас гирифтанд.
