ВОСЕЪ. Дар ноҳияи Восеъ корҳои созандагиву бунёдкорӣ дар ҳоли рушд мебошанд. Бо мақсади дар амал татбиқ намудани дастур ва ҳидоятҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ҷиҳати таъмини шароити мусоид барои шаҳрвандони деҳот, бо ташаббус ва дастгирии соҳибкори маҳаллӣ дар деҳаи Сари ангури ҷамоати деҳоти Абӯабдуллоҳи Рӯдакии ноҳия сохтмонӣ бунгоҳи тиббӣ оғоз гардида, корҳои рангу бор ҷараён дорад.
Мавриди зикр аст, ки бахшида ба ҷашнҳои сиёсӣ соҳибкорони маҳаллӣ дар партави сиёсати пешгирифтаи Пешвои муаззами миллат корҳои ободониву созандагиро хосса дар соҳаҳои маорифу тандурустӣ пеша карда, саҳми худро ҳамчун фарзанди бонангу номуси кишвар дар корҳои ободонӣ ва бунёдкорӣ мегузоранд.
