ҶАЙҲУН. Намояндагони Кумитаи иҷроияи Ҳизби Халқии Демократии Тоҷикистон дар ноҳия якҷо бо роҳбарияти ташкилоти ибтидоии “Сомонӣ”-и ҷамоати деҳоти Панҷ ба аёдату дасти кумак дароз намудан ба шахсони эҳтиёҷманду, кӯдакон аз оилаҳои камбизоат рафта, онҳоро бо туҳфаҳо дар арафаи Соли нави мелодӣ хуштабъ гардониданд.
Аз аёдати ҳизбиён аёдатшудагон болидахотир гардида, бо суханони неку пандомезашон аз хизматҳои беназири Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушду пешрафти Тоҷикистон ва таъмини зиндагии шоиста ба сокинон ёдоварӣ намуда, изҳори сипос баён карданд.
