Н.ХУСРАВ. Тибқи нақшаи чорабиниҳои Кумитаи иҷроияи ҲХДТ дар ноҳияи Носири Хусрав бахшида ба Рӯзи Ваҳдати миллӣ суҳбату вохӯриҳо ва баргузории чорабиниҳои гуногуни сиёсӣ дар маҳаллаҳо баргузор гардида истодаанд.
Бо ибтикори Кумитаи иҷроияи ҲХДТ дар ноҳияи Носири Хусрав дар Кохи фарҳанги ноҳия бо иштироки раисони ташкилотҳои ибтидоии ҳизбӣ, фаъолон ва ҷонибдорони Ҳизби Халқии Демократии Тоҷикистон бахшида ба Рӯзи Ваҳдати миллӣ вохӯрӣ баргузор гардид.
Ҷамъомадро раиси Кумитаи иҷроияи ҲХДТ дар ноҳия Алиева Сураё ифтитоҳ намуда, доир ба муқаддам будани Ваҳдати миллӣ суханронӣ намуда, қайд кард, ки таҳкими Ваҳдати миллӣ ва ҳифзи фазои орому осоиштаи кишвар аз ҳама арзишҳои дигар муқаддамтару пурарзиштар аст.
Дар ин самт саҳми ҳар як сокини Ватани маҳбубамон дар роҳи берун кашидани кишвар аз гирдоби даргириҳои сиёсӣ ва расидан ба Ваҳдати миллӣ ва муттаҳид гардидани сокинони мамлакат дар атрофи роҳбарияти давлату Ҳукумат, ҷонибдорӣ аз сиёсати пешгирифтаи давлат омили асосии расидан ба сулҳу ягонагӣ дар ҷомеаи мо мебошад.
Ҳар як сокини мамлакат, ҳар нафаре, ки барои эъмори ҷомеаи муосир саҳм мегузорад, дар пешрафти ҷомеаи муосири кишварамон саҳми худро гузошта, дар рушди давлати соҳибистиқлоламон нақш дорад.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар Паёми имсолаи худ ба Маҷлиси Олии Ҷумҳурии Тоҷикистон нерӯи бузурги мардуми кишварро пеш аз ҳама дар ягонагӣ ва ваҳдати шаҳрвандони он изҳор карда, таҳкими Ваҳдати миллӣ ва ҳифзи фазои орому осоиштаро барои зиндагиву фаъолияти шаҳрвандонамон аз ҳамаи арзишҳои дигар мукқаддамтар мешуморанд.
Аз ҳар як сокини ноҳия даъват ба амл овард, ки ин арзиши олиро ҳифз намоянд ва дар ҳифзи фазои орому осоиштаи Ватан саҳми босазои худро гузоранд.
