НОРАК. Дирӯз бо ибтикори Кумитаи иҷроияи Ҳизби Халқии Демократии Тоҷикистон дар шаҳри Норак идомаи аксияи ҳизбӣ таҳти унвони "Пешгирӣ аз табобат беҳтар аст!" баргузор гардид. Ҳадаф аз баргузории ин аксия пешгирии паҳншавии коронавирус COVID-19 мебошад. Аз ҷониби кормандони Кумитаи иҷроияи ҲХДТ дар шаҳри Норак ба сокинон маводҳои таблиғотӣ тақсим карда шуда, таъкид карда шуд, ки дар кӯча ва хонаҳои худ қоидаҳои беҳдоштиро хуб риоя намуда, худ ва дигаронро аз ҳама намуди касалиҳои сироятӣ эъмин нигоҳ доранд.
