ЛЕВАКАНТ. Дирӯз дар ташкилоти ибтидоии “МНДРА”- и шаҳр бо иштироки раиси Кумитаи иҷроияи Ҳизби Халқии Демократии Тоҷикистон дар шаҳри Левакант Олимзода Низора маҷлиси ҷамъбастии ташкилоти ибтидоӣ дар соли 2021 доир гардид.
Дар маҷлис ҳисоботи раиси ташкилоти ибтидоии ҳизбии “МНДРА” Иззатуллозода Раҷабалӣ дар соли 2021 шунида шуда, баъдан қарорҳои лозима якдилона қабул карда шуд.
Сипас, раиси Кумитаи иҷроияи Ҳизби Халқии Демократии Тоҷикистон дар шаҳри Левакант Олимзода Низора ба сухан баромада, оид ба самтҳои афзалиятноки фаъолияти ҳизб, дастовардҳои замони Истиқлоли давлатӣ, ҳифзи арзишҳои миллӣ, пешгирӣ аз ҳар гуна бемориҳои сироятӣ ва истифодаи самараноки заминҳои наздиҳавлигӣ ибрози андеша намуда, қайд кард, ки ба кори ҳизбии ташкилоти ибтидоӣ диққати ҷиддӣ дода, дар чорабиниҳо, аксияҳо ва ҳашарҳои ҳизбӣ фаъолона ширкат намоянд.
