ДӮСТӢ. Бо иштироки мудири шуъбаи таблиғот ва иттилооти Кумитаи иҷроияи ҲХДТ дар ноҳияи Дӯстӣ Абӯбакр Ҷалолов дар якҷоягӣ бо табибону ҳамширагони ташкилотҳои ибтидоии "КАТС" ва "Беморхонаи марказӣ"-и ноҳияи Дӯстӣ дар байни кормандони ташкилоту муассисаҳо ва шаҳрвандон корҳои фаҳмонидадиҳӣ доир ба пешгирӣ аз бемории нави коронавирус гузаронида шуд.
Инчунин, зимни вохӯрӣ сокинони маркази ноҳия иммунизатсия карда шуда, ба онҳо фаҳмонида шуд, ки гирифтани ваксина ба организми инсон ягон хатар надорад, баръакс иммунитети одамро баланд бардошта, бар зидди бемории коронавирус мубориза мебарад.
