ВАХШ. Бо мақсади иҷрои дастуру супоришҳои мақомоти болоии ҲХДТ ва вусъат бахшидани корҳои тарғиботӣ дар самти пешгирии аҳолӣ аз паҳншавии бемории сироятии COVID-19 кормандони Кумитаи иҷроияи ҲХДТ дар ноҳияи Вахш дар якҷоягӣ бо волонтёрон дар ҳудуди ҷамоати шаҳраки Вахш Аксияи тарғиботӣ таҳти унвони “Худро аз коронавирус ҳифз намо!” баргузор намуданд.
Дар аксияи ҳизбӣ ихтиёриён ва кормандони Кумитаи иҷроия ба аҳолӣ варақаҳои иттилоотӣ дастрас карда, таъкид намуданд, ки ҳатман барои ҳифзи солимии худ ва дигарон аз ваксинатсия бар зидди коронавирус гузаранд.