АНДЕША. Мардуми шарифи кишварамон имрӯз дар давраи хеле пурмасъул, яъне дар марҳилаи таҷлили бошукӯҳи 30 -солагии Истиқлолияти давлатии кишварамон қарор дорем, таҷлили сазовори ин маъракаи муҳими сиёсӣ аз ҳар як шаҳрванди хурду бузурги кишвар тақозо менамояд¸ки ба хотири рушду ободии фардои мамлакат ва осоиши наслҳои оянда, бо дарки фарҳанги баланди сиёсӣ, ҳисси ватандӯстӣ ва бо як масъулияти баланди ватандорӣ ҳиссагузор бошад.
Ҳизби Халқии Демократии Тоҷикистон ҳамчун ташкилоти сиёсӣ дар таҳкими давлати соҳибихтиёр, демократӣ, ҳуқуқбунёд, дунявӣ, иҷтимоӣ ва ягона, инчунин иқтисодиёти устувор, ки баҳри беҳбудии ҷомеа нигаронида шудааст, фаъолияти густурда дорад. Яке аз хизматҳои бузурги ҳизб дар таҳкими давлатдории тоҷикон дар он аст, ки дар давраи хеле ҳассоси таърихи навини миллат мардумро дар меҳвари як мафкураи созанда муттаҳид намуд, ба мухолифату даргириҳои фоҷиабори сиёсӣ хотима бахшид
Ҳизби Халқии Демократии Тоҷикистон имрӯз тамоми нерӯҳои солими ҷомеаро дар сафҳои худ муттаҳид намуда, бо мақсади зина ба зина баланд бардоштани некӯаҳволии халқ, рушди иқтисод дар заминаи пешрафти шаклҳои гуногуни моликият, таъмини ҳуқуқу озодиҳои инсон таъсис ёфта, барои дар амал татбиқ намудани ин ҳадаф фаъолият намуда истодааст.
ҲХДТ –ҳизби роҳнамои ҷомеа буда, вазифаҳои ҳар як шаҳрванд, аъзои ҳизбро дар самти пойдории истиқлолияти давлатӣ, ваҳдати миллӣ , сулҳу оромӣ, рушди устувори иқтисодӣ сафарбар намуда истодааст. Дар ин ҷода мо фаъолони ҳизб корҳои тарғиботиро дар байни сокинон ҳамарӯза ба роҳ монда, боварии мардумро бештар ба ояндаи неки кишварамон равона намуда, ба солимии маънавии ҷомеа диққати ҷиддӣ зоҳир менамоем.
Бо гузашти солҳо Ҳизби Халқии Демократии Тоҷикистон ба нерӯи тавоно ва созандаи ҷомеаи навини кишварамон табдил ёфт, ҳамчун қувваи пешбаранда ва пешоҳанги ҷомеа дар доираи татбиқи барномаҳои худ ба таҳкими нерӯи иқтисоди кишвар, таъсиси ҷойҳои нави корӣ ва муҳимтар аз ҳама, ба беҳтар гардидани сатҳу сифати зиндагии мардум мусоидат намуда истодааст. Имрӯз ҳар яки мо аъзои ҳизб дарк намудем, ки аъзои ташкилоти ҳизбӣ будан ин масъулият аст ва мо масъулон ин масъулиятро пурра дарк намуда, дар фаъолияти ҳамарӯзаамон дар доираи имконияту салоҳиятҳоямон барои пешрафти кишварамон дар амал татбиқ намуда истодаем.
Пешвои миллат, Раиси муаззами ҳизбамон муҳтарам Эмомалӣ Раҳмон дар ҳамаи баромаду мулоқоташон таъкид менамоянд, ки ҳизби мо ҳизби мардумист, ҳалли мушкилоти шаҳрвандон, иҷрои масъалаҳои ба миёнгузоштаи онҳо яке аз самтҳои муҳими фаъолияти мо ва робита бо мардумро яке аз вазифаҳои асосии мо ҳизбиён дастур доданд.
Ҳамаи сохторҳои ҳизб ин дастури Сарвари ҳизбамонро роҳнамои фаъолияти худ дониста, шарҳу тавзеҳи дуруст ва саривақтии иқдомоту ташаббусҳои созандаи роҳбарияти мамалакат, ҷиҳати ба корҳои созандагиву бунёдкорӣ роҳнамоӣ намудани сокинон, таъмини робитаро бо мардум тақвият бахшида ва бо ин васила обрӯ ва нуфузи Ҳизби Халқии Демократии Тоҷикистонро дар ҷомеа боз ҳам боло бурда истодаанд.
Барномаи пешазинтихоботии Ҳизби Халқии Демократии Тоҷикистон ҳамчун барномаи амал ба роҳбарӣ гирифта, Барномаҳои пешазинтихоботии номзадҳо ба вакилии ҳамаи зинаҳои мақомоти намояндагии аз ҷониби Ҳизби Халқии Демократии Тоҷикистон пешбаришударо дар ноҳия дар асоси он таҳия намуда, дар байни интихобкунандагон тарғибу ташвиқи онро ба роҳ монда истодааст. Дар Барномаҳои пешазинтихоботии вакилони ҳамаи зинаҳои мақомоти намояндагӣ ҷиҳати вусъат бахшидан ба корҳои созандагиву бунёдкорӣ пеш аз ҳама ба ҳалли масъалаҳои мавҷудаи иҷтимоӣ, инчунин дастгирии қишрҳои ниёзманди ҷомеа дар доираи Аксияи ҳизбии «Якҷоя месозем!» барои боз ҳам эътибору боварии халқро нисбати ҲХДТ бештар намудан аз шаклу усулҳои муосир истифода бурда мешаванд.
Яке аз ҳадафҳои ҲХДТ пешгирӣ аз омилҳои хатарноки таъсирасон ба мафкураи миллии ҷавонон ҳамчун самтҳои афзалиятноки сохторҳои ҳизбӣ буда, сафҳои ҳизб аз ҳисоби ҷавонони болаёқат ва умедбахш мунтазам меафзояд.
Зеро Ҳизби Халқии Демократии Тоҷикистон ҷавононро нерӯи созанда, боэтимод ва сармояи пойдори инсонӣ мешуморад ва ба онҳо такя мекунад. Ҷавонони имрӯзаи кишвар бо эҳсоси худогоҳиву хештаншиносии баланди ватандӯстӣ, ҳимояи манфиатҳои миллӣ ва арзишҳои бунёдӣ дар партави ғояҳои наҷибу созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон муттаҳид гардида, дар баробари ҳамагуна таҳдиду хатарҳо ба фазои фарҳангию сиёсии ҷомеа, дар ҳифзу ҳимояи сулҳу субот якдилии мардуми шарифи Тоҷикистон қарор доранд.
Вазифаи муқаддаси мо ҳизбиён дар шарити имрӯза аз он иборат аст, ки дар тарғиби ғояҳои созандаи ҳизб, ки аз дастуру супоришҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон маншаъ мегиранд, мардумро ҳарчи бештар огоҳ намоем, онҳоро ба самти роҳи расидан ба фардои нек сафарбар созем. Тарғиби сиёсати Пешвои миллат, Раиси муаззами ҲХДТ, маънои тарғиби ғояҳои давлатдориро дорад. Зеро сиёсати Пешвои муаазами миллат, Роҳбари азизу маътабари ҲХДТ ифодагари манфиатҳои миллӣ ва омили пешбурди ҳаёти ҷамъиятӣ аст.
Бо ҳамаи ин андешаю хулосаҳо боварии комил дорем, ки дар пешрафту шукуфоии Тоҷикистони азиз, ҳар як фарди ватандӯсти кишвар барои ояндаи дурахшони фарзандонамон мулки ободу хуррам боқӣ гузоштан, аз Ҳизби Халқии Демократии Тоҷикистон ҷонибдорӣ намуда, барои ҳимояи манфиатҳои миллӣ, дар дилхоҳ маъракаи муҳими сиёсӣ дилпуронаву фаъолона иштирок менамояд, зеро Ҳизби Халқии Демократии Тоҷикистон дар асоси идеяҳои воқеан санҷидашудаи созанда ва бунёдкоре фаъолият дорад, ки ҷавҳари онро мардумсолорӣ, бо халқ будан ва танҳо манфиатҳои миллӣ ташкил медиҳад. Мо масъулони ҳизбӣ, дар фаъолияти ҳамарӯзаи худ кӯшишу фаъолиятамонро ба он равна карда, пиринсипи бо халқ буданро, ки аз Раиси муаззами худ гирифтаему рисолати аслии ҳизби мост дар амал татбиқ намуда, ҷонибдории худро аз Ҳизби Халқии Демократии Тоҷикистон барои ояндаи дурахшони Ватанамон талош варзида, барои табдил ёфтани Тоҷикистони озоду соҳибихтиёр ба далати нерӯманду пешрафта ва мулки боз ҳам ободу осуда тамоми нерую донишамонро равона карда, талош мекунем.
Ализода Сураё, раиси КИ ҲХДТ дар ноҳияи Носири Хусрав
