Н.ХУСРАВ. Бо мақсади ошноӣ ба вазъи хизмат ва шароити хизмати ҳарбӣ, И.в. раиси ноҳияи Носири Хусрав Шарифзода Маҳмадаюб ба қисми низомии дидбонгоҳи сарҳадии “Сангоба”, ки дар ҳудуди ноҳия ҷойгир аст, ташриф овард.
Дар ин рӯз аз ҷониби И.в. раиси нҳия ба сарбозону афсарони қисми низомӣ маводи хӯрока, аз қабили орд, равған, картошка, пиёз, сабзӣ кумак расонида шуд.
Зимни суҳбат бо афсарону сарбозони шуҷои Ватан И.в. раиси ноҳия афсарону сарбозони қисми низомиро барои хизмати бошараф ҳидоят намуда, қайд кард, ки хизмат ба Ватан – Модар қарзи фарзандӣ ва имониву виҷдонии ҳар як ҷавонмарди бонангу номус буда, мактаби бузурги тарбияи ирода, ҷасорат, шуҷоат ва ватандорӣ ба ҳисоб меравад.
Идеали ҳар як ҷавон, хизматчии ҳарбӣ хизмати содиқонаи Асосгузор сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Ҳар як тадбир ва корнамоиву қаҳрамониҳои Пешвои миллат ба ҷавонони кишвар дарси шуҷоату мардонагӣ буда, дарки баланди инсондӯстӣ ва муносибати хуби одамгариро меомӯзонад. Фаромӯш накунед, ки Ватани азизи мо -Тоҷикистони соҳибистиқлол хонаи умеди ҳар як тоҷику тоҷикистонист . Имрӯз муҳофизати ин сарзамин қарзи имониву виҷдонии ҳар яки мову шумост.
