ҲАМАДОНӢ. Бо ибтикори Кумитаи иҷроияи ҲХДТ дар ноҳияи Мир Сайид Алии Ҳамадонӣ ва бахши ҷавонони мақомоти иҷроияи ҳокимияти давлатии ноҳия дар толори муассисаи таҳсилоти миёнаи умумии №12-и ҷамоати деҳоти Қаҳрамон дар мавзӯи “Парчам рамзи муқаддаси миллӣ” ҳамоиш бо иштироки аъзои фаъоли ТҶҶ “Созандагони Ватан” ва омӯзгорони муассисаҳои таълимӣ баргузор гардид.
Мудири шуъбаи таблиғот-итилооти Кумитаи иҷроияи ҲХДТ дар ноҳия Сайдалиев Гадоӣ дар мавзӯи “Парчам рамзи муқаддаси миллӣ” баромад карда, қайд намуд, ки мо сокинон бо парафшонии ин рамзи муқаддас таҳти роҳбарии Пешвои милат, Раиси муаззами Ҳизби Халқи Демократии Тоҷикистон муҳтарам Эмомалӣ Раҳмон пояҳои давлати соҳибистиқлоламонро таҳким бахшида, барои ба як Ватани ободу пешрафта табдил додани Тоҷикистон саъю талош карда истодаем.
