ҶАЙҲУН. Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Ҷайҳун ва аъзои фаъоли ТҶҶ “Созандагони Ватан” баҳри сазовор истиқбол гирифтани ҷашни Парчами давлатии Ҷумҳурии Тоҷикистон аксияи ҳизбӣ таҳти унвони «Тозагии атроф » роҳандозӣ гардид.
Дар аксияи мазкур кулли кормандони ҳизбии ноҳия ва беш аз 12 нафар ихтиёриён ва аъзои фаъоли ТҶҶ “Созандагони Ватан” иштирок намуда, канори роҳи асосии байни шаҳраки Дӯстӣ, назди бинои Кумитаи иҷроияи ҲХДТ дар ноҳия ва гирду атрофи Парчам ва Нишони давлатӣ рубучин ва аз ҳаргуна партову алафҳои худрӯй тоза карда шуд.
