КӮЛОБ. Дар ташкилоти ибтидоии ҳизбии “Омӯзгор” бо иштиоики муовини раиси КИ ҲХДТ дар шаҳри Кӯлоб Саймуминзода Фирӯз Саймумин бо аъзои ТҶҶ “Созандагони Ватан” бахшида ба Рӯзи Президенти Ҷумҳурии Тоҷикистон вохӯрӣ доир гардид.
Дар ҷараёни вохӯрӣ аз ҷониби Саймуминзода Фирӯз Саймумин зикр гардид, ки дар таърихи навини давлатдории тоҷикон Президенти мамлакат муҳтарам Эмомалӣ Раҳмон шахсиятест, ки на танҳо дар ташаккулу таҳаввули таърихи давлатдории соҳибистиқлоли тоҷик ва ҳастии имрӯзу фардои Тоҷикистон, балки барои эҳё намудани падидаҳои неку писандида ва арзишҳои волои фарҳангии ниёгонамон хизматҳои барҷаста кардаанд.
