ҶАЙҲУН. Дар ташкилотҳои ибтидоии ҳизбӣ, бо иштироки аъзо ва фаъолон баҳри тозаю озода намудани атрофи ташкилоту муассисаҳо аксияи ҳизбӣ таҳти унвони “Тозагии маҳал мароми мост” доир гардид.
Мавриди зикр аст, ки шанбегии мазкур бо ташшабуси Кумитаи иҷроияи ҲХДТ дар ноҳияи Ҷайҳун ва ҷалби зиёда аз 30 нафар кормандони фаъоли ташкилоту муассисаҳо баргузор гардида, гирду атрофи роҳи марказии шаҳраки Дӯстӣ, атрофи биноҳои муассисаҳои давлатӣ аз ҳар гуна партовҳо тоза карда шуда, бехи дарахтони ороишӣ ва ҳамешасабз нарм карда шуданд. Минбаъд ин иқдом ҳар ҳафта рӯзи шанбе баргузор гардида, ташкилотҳои ибтидоии ҳизбӣ дар ободии ноҳия ва тозагии маҳал саҳмгузор хоҳанд буд.
